په افغانستان کې د المصطفي نمایندگی د څیړنې برخه په څيړنیز مرکز بدل شو
د ایکنا د راپور په اساس، حجتالاسلام ثابت د قم په امین مجتمع کې د افغان طلبه ؤ د غونډې په ترڅ کې وویل: جامعه المصطفي د ایران د اسلامي انقلاب په برکت او د امام خمیني (ره) په نوښت سره جوړه شوه او اوس مونږ د دغې مبارکې ادارې علمي او تعلیمي خدمتونه په ټولې نړۍ، په تیره بیا په افغانستان کې، وینو.
هغه د تېرو څلورو کلونو د نمایندگی د لاسته راوړنو په اړه وویل: د افغانستان وضعیت، د ډېرو طالب علمانو او دیني مدرسو او د فعالیتونو د پراخوالي په سبب، د المصطفي نمایندگی څخه یو جامع چلند غواړي.
هغه د نمایندگی د وروستیو بدلونونو په اړه راپور وړاندې کړ او زیاته ئې کړه: په تېرو څلورو کلونو کې نوې تګلاره حاکمه شوې او نننۍ لاسته راوړنې د شپې او ورځې هڅو پایله ده. کرونائي بحران او په افغانستان کې د سیاسي نظام بدلون هغه پیښې وې چې په دغو کلونو کې ورسره مخ شوي یوو.
هغه د المصطفی په نمایندگی کې د زرګونو کسانو د زده کړو یادونه وکړه او وې ویل: د نووڅانګو پیل، د مختلفو کچو او سطحو رامنځته کول او طالب علمانو ته د تحصیلي سندونو ورکول د نمایندگی تعلیمي لاسته راوړنې دي.
هغه د المصطفی له فارغ التحصیلانو څخه د یو شمېر کسانو د افغانستان په پوهنتونونو کې د علمي هیئت په توګه د دندو ترسره کول د نمایندگی یوه مهمه لاسته راوړنه وبلله او زیاته ئې کړه: د څیړنیزې برخې په تېرو دریو کلونو کې له سلو زیاتو علمي پروژو بشپړول او له تېر کال راهیسې د څیړنیز څانګې څخه څیړنز مرکز ته لوړ شو او د فعالیتونو د پراخوالي پایله ده.
حجتالاسلام ثابت وویل: په افغانستان کې د نمایندگی په چوکاټ کې د خوئيندو د زده کړو زمینه برابره شوې او اوس مهال د نمایندگۍ له نیمائي زیاتې زده کوونکې خوئيندې او میرمنې دي.
هغه زیاته کړه: حتی په سختو شرایطو کې هم د کیفیت او کمیت له پلوه لوي کارونه کیدلی شي. که مونږ د جهادي روحیې درلودونکي واوسو، نتیجه به حتمي وي. په خوشبختۍ سره، په افغانستان کې د نمایندگئ په چوکاټ کې لوي علمي او کلتوري کارونه شوي او مونږ د فعالیتونو په پراختیا او وده شاهدان یوو.
په دغې غونډې کې یو شمېر افغان طالب علمانو هم خپل نظرونه او وړاندیزونه شریک کړل.
https://iqna.ir/fa/news/4285937
